Artea ikasbide, 2014

2014ko ekainak 6–abuztuak 31

Parte Hartzaileak

Artistas---LTA--2014
Ainhoa Ortells, Manu Muniategiandikoetxea, Naia del Castillo, Maider López, Jorge Rubio, Ibon Garagarza.

IKASTETXEAK

Astrabuduako Ignacio Aldekoa LHIko 5. ikasturteko 25 ikasle.
Irakaslea: Rosa Mª Almena.
Artista: Ibon Garagarza.
"Ibonekin oso ondo pasatu dut. Gauza asko egin ditugu: konstelazioen lana, loreen lana… Eta onena Guggenheim Bilbao Museora Ernesto Netoren eta Richard Serraren eskulturak ikustera joatea izan zen. Ernesto Netoren lanak bikainak dira”.

Getxoko San Ignacio Eskola LHIko 3. eta 4. ikasturteetako 9 ikasle. Irakaslea: Marian Antolín. Artista: Ainhoa Ortellls
Profesora: Marian Antolín.
Artista: Ainhoa Ortellls.
“Beldurra izan dut Richard Serraren labirintoan barrena ibili eta “armiarmaren” ondoan jartzean".

Bilboko Iruarteta LHIko 4. ikasturteko 23 ikasle.
Irakaslea: Arantza Beascoechea.
Artista: Naia del Castillo
“Haurrek ere artea egin dezakegu.”
Zortea izan dugu, artista batek nola lan egiten duen ikusi dugulako.”

Lezoko Lezo LHIko 2. ikasturteko 23 ikasle.
Irakaslea: Mª José Ascunce.
Artista: Manu Muniategiandikoetxea.
“Gure eskultura ekainaren 6tik aurrera egongo da ikusgai. Ikusi nahi baduzue, hurbildu Guggenheim Bilbao Museora; oso polita da.”

Trintxerpe-Pasaiako Karmengo Ama LHIko 5. eta 6. ikasturteetako 25 ikasle.
Irakaslea: Kontxi Oiarzabal.
Artista: Maider López.
“Tailerra oso interesgarria izan da. Irudimena landu dugu batez ere eta gure burura datorkiguna eskulan bihurtu dezakegula ikasi dugu.”

Bastidako Labastida LHIko 5. eta 6. ikasturteetako 10 ikasle.
Irakaslea: Itziar Belaustegi.
Artista: Jorge Rubio.
Proiektu honetatik gehien gustatu zaidana Guggenheim Bilbao Museora joatea izan da. Zenbait artista ezagutu ditut eta Ernesto Netoren lanek erakarri naute gehien. Puppy txakurra ere asko gustatu zait, oso alaia delako eta kolorez beteta dagoelako”.

Ikusi beste urte batzuk

ARTISTAK

Naia del Castillo

“Artistok erronka bati heldu behar diogu urtero, iazkoaren bestelakoa. Ikasleak jardun artistikoaren bidez, adimen, emozio eta esperientziari lotutako aurkikuntzaren protagonista izatea nahi dugu. Ikasleak proposamen berritzaileak onar ditzaten eta beren errealitatea ulertzeko era desberdinak eta artistikoki adierazteko moduak aurkitu ditzaten, funtsezkoa da irakaslearen laguntza izatea. Hiru eragileei esker, hots, ikasleak, irakaslea eta artista, lankidetza eta elkarrizketa aberasgarriak eta atsegingarriak lortzen dira”

Ibon Garagarza

“Eskola-curriculumeko edukiak indartzeaz eta eduki horien gaineko bestelako ikuspuntua eskaintzeaz gain, ikasleen jakin-mina pizteko bitartekoa da. Pozik nago aurten, unibertsoan zehar bidaide izan ditudan 25 neska-mutilek sekulako jakin-mina erakutsi baitute. Talde handi eta askotariko honek bat egin zuen anbizio handiko proiektua abiatzeko orduan: unibertsoa eta bere elementuak arakatzea”.

Maider López

Koloreak eta sentimenduak uztartu genituen proiektuan. Lan gogorra izan zen kolorearen kodea erabakitzea, guztiok ez baikinen iritzi berekoak. Gorria maitasunaren baliokidea dela adostu genuen. Azken unean, hala ere, Oierrek eskua goratu zuen eta gorriak haserrea adierazten duela, ez maitasuna, esan zuen. Beste zenbaitzuk ere bat egin zuten harekin eta ikasleak banandu egin ziren: maitasuna haserrearen aurrean. Izugarri atsegin dut, planifikatutakoaz edo aurreikusitakoaz harago, ikasleek berezko dinamika hartzen dutenean”.

Manu Muniategiandikoetxea

“Artea bere zentzu zabalean ulertarazten laguntzea da artistaren zeregina, eta, era berean, haurrek beren begien bidez ikustea zer den edo zer ez den giza adierazpena eta ideia hori garatzea. Proiektu honen bidez, kultura eta identitate desberdinak ezagutzea zen gure asmoa, bai eta bestelako ingurune, paisaia eta ekonomiak ere. Baina funtsezkoa nork bere burua multzo oso baten parte gisa ikustea da, non pertsona bakoitza ezinbestekoa den”.

Ainhoa Ortells

“Ikasleek adierazpen emozionala landu dute eta, artearen bidez, barruko emozioak islatzeko aukera izan dute, emozio horietaz jabetuz eta ezezaguna zitzaien mundu bat modu atsegin eta erosoan ezagutuz. Ni eta gu kontzeptuak indartze aldera, gelaren ‘bandera’ bat egin dugu; bandera horretan, sinbolo indibidual bakoitzak bere lekua du, guk geuk, guztiok, leku bat dugun bezala”.

Jorge Rubio

“Diotenez, itzalen antzerkiko maisuek, beren antzezpenean herriaren jakinduriaren berri emateaz gain, ahaztu egiten zuten nortzuk ziren eta txotxongilo bizigabe bilakatzen ziren, istorioarekin bat eginez eta erantzunak inprobisatuz. Horrela, kondaira guztiak desberdinak izaten ziren beti. Ikasleek itzalen antzerkia landu zuten ere eta, ipuin kontalariak bezalaxe, gidoi bat oinarri hartu zuten. Baina istorioak lantzeko zeuden, eta irakaspenak sortzeko. Berez, egin dira jada!, batzuek ikusi dituzte, ikasgelan edo etxean, edo ikasgelatik etxerako bidean; norberak berea landuko du eta ez dira bi berdin izango.”

Ikusi beste urte batzuk

Babeslea

×