Artea ikasbide, 2015

2015ko ekainaren 23a - 2015ko irailaren 20a

Bilboko erakusketa

Foto imagen expo 2015

Artea ikasbide, 2015

2015/06/23tik 2015/09/20ra

Hezkuntza gunea

Erakusketa honetan 2014–15 ikasturtean Artea ikasbide hezkuntza-programan parte hartu duten 6 eta 12 urte bitarteko 143 haurren lanen hautaketa bat ikus daiteke.

Elssie Ansareo, Naia del Castillo, Iñaki Gracenea, Maider Lopez, Ainhoa Ortells eta Jorge Rubio artistak izan dira programa honen gidari. Ekimenak Lehen Hezkuntzako eskola-curriculuma sendotzen du artea ikaskuntzarako tresna gisa erabiliz.

Irakasleek identifikatu egiten dituzte bai hezkuntza-helburuak bai artista eta hezitzaileekin ikasgelan landu beharreko trebetasunak, helburu horiek betetzen dituzten zenbait tailer sortzeko. Programa bakoitza bakarra da eta espresuki diseinatzen da parte-hartzaile bakoitzaren beharrei erantzuteko.

Artea mintzagai izatea eta sormen-prozesuan parte hartzea lagungarri dira ikasleek zenbait gai arakatzeari ekin diezaioten, modu irudimentsu eta pertsonalean.

Diziplina eta teknika artistikoak —argazkilaritza, pintura, eskultura, bideogintza edo performancea, kasu— errealitatea ezagutu, arakatu eta ulertzen saiatzeko baliabide bilakatzen dira, eta, era berean, norbanakoaren adierazpenaren balioa eta sortzeko askatasuna azpimarratzen dira.

Sakonean:

Buletina (PDFa jaitsi)

Babeslea

×

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu. Konfigurazioa aldatu edo informazio gehiago eskura dezakezu gure Cookien Politika bidez.